Loron 31 Jan 2020, Realiza Lansamentu Community Youtuber Timor Leste – CYTL, no Lansa Direita husi Sekretario Estadu ba Komunikasaun Sosial – SEKOMS, SE.Mericio Juvinal dos Reis – Akara, akompana ho Orador sira hanesan :

1. Eng. Ladislau Saldanha, Diretur Sistema Informasaun Timor Telecom.

2. Guilherme Soares,  Husi Institutu Defesa Nacional.

3. Vice Prezidente CNJTL4. Sr. Nivio Magalhaes, Eis Sekretariu Estadu Juventude no Trabalho.

5. Coordenador CYTL, Sr Nicho Linux 

Sekretariu Estadu Merício Juvinal dos Reis “Akara” hato’o apresiasaun ne’e iha serimónia lansamentu Community Youtuber Timor-Leste (CYTL), SEKOMS hateten mos youtube hanesan plataforma media online ida ne’ebé famozu, ne’ebé bele fasilita ema atu akompaña informasaun husi mundu ka nasaun seluk.

Iha biban ida SEKOMS deklara governu prontu atu apoiu no sai parseiru ba Community Youtuber Timor-Leste (CYTL) ne’ebé harí ho objetivu atu promove kriatividade no informasaun liuhosi plataforma youtube.  

Cordenador CYTL Nicho Linux hateten objetivu husi harii grupo ne’e atu hariku konteudu lokal iha plataforma youtube ho konteudu pozitivu sira nebe bele fo vantagem ba komunidade sira no futuru oinsa bele mos hetan benefisiu husi plataforma ne’e. 

Durante ne’e ita somente gasta osan deit ba plataforma online sira maibe ba oin CYTL hakarak hetan fali mos osan husi utilizasaun plataforma youtube.

 Iha parte seluk Nicho Linux informa katak grupo ne’e harii hodi akumula youtuber Timor-Leste iha nebe deit hodi serbisu hamutuk oinsa ba oin bele kopera ho Youtube Partnership Program – YPP, nune’e bele fasilita youtuber sira bele asesu benefisiu sira nebe hetan.

Loron Tersa, 28 Janeiru 2020, Diretur Hadomi Timor hanesan mos Coordenador Community Youtuber Timor- Leste – CYTL hala’o enkontru ho Sekretáriu Estadu ba Komunikasaun Sosiál Merício Juvenal dos Reis”Akara” kona ba “legalidade Ezisténsia no hari’i grupu Juventude relasiona ho teknolojia dijital ba komunidade no Sosiedade, iha tempu hanesan Coordenador mos ho biban ne’e konvida direita SEKOMS hodi halo abertura no lansa grupo Community Youtuber Timor- Leste – CYTL iha loron balu mai oin, enkontru ne’e hala’o iha salaun Enkontru Sekoms Palásiu Governu,Dili.

Loron 27 Janeiru 2020, Diretur Hadomi Timor – HT entrega diretamentu formando nain 2 husi programa kursu IT SMART nebe halo kursu ona durante fulan 5 iha sentru formasaun HT, estudante nain mak hanesan Victor no Estefanus kompleta ona kursu reguler no dadaun ne’e atu hala’o fali estajiu iha kompana Telekomunikasaun Telkomcel durante fulan 2 ho kompleta kursu iha sentru HT ne rasik.

Loron 25 Janeiru 2020, Coordenador Community Youtuber Timor-Leste (CYTL) hanesan mos Diretur Hadomi Timor hamutuk ho ekipa strutura CYTL hala’o enkontru informal ho Sr. Nivio Magalhaes kona ba perparasaun ba lansamentu CYTL no tempu hanesan konvida Sr. Nivio atu sai orador iha lansamentu CYTL nebe sei realiza iha dia 31 Janeiru 2020, iha enkontru ne’e ekipa CYTL hato’o ba Sr. Nivio atu nafatin hamutuk ho joven sira no motiva nafatin joven sira hodi kontribui kreatividade nebe joven iha ba dezenvolvimentu nasional Timor-Leste nian.

Loron Sesta 14 Dezembru 2019, Diretur Hadomi Timor hanesan mos coordenador CYTL partisipa iha livstreaming Telemor kona ba fahe premiu fantastiku sira no sei mos QUIZ atrativu sira nebe fasil tebes atu manan,

KRITERIA NEBE TELEMOR OFERESE ATU MANAN BA QUIZ MAK HANESAN: 

1. #LIKE post ne’e
2. #SHARE post ne’e no

3. #Tag Post ne’e ba kolega FB nain 5 ba leten

4. Depois durante live, tenke #LIKE #SHARE no #TAG ba kolega nain 5 ba leten.

NB: La tuir Kriteria, sei la konsidera nu’udar manan nain!!!
Livestreaming halao iha Edifisiu Telemor Timor PlazaOras 07:30 Kalan OTL

Loron 5 Dezembru 2019, Diretur Hadomi Timor partispia iha serimonia entrega sertifikadu ba formando sira iha Centro Cultural Portugues, Embaixada Portugal iha Dili, serimonia ne hetan partisipasaun husi Embaixador Portugal iha Timor-Leste, Embaixador Uniao Europeia iha Timor-Leste, Diretur Geral husi ministeriu balun no diretur ka reprezentante husi NGO nasional no internasional sira.

Diretur Hadomi Timor hanesan mos formando iha seminariu Modelo de Supervisaun Finansas Publikas simu mos sertifikadu iha serimonia enseramentu ne rasik.

Diretur ne’e kontente tebes tamba bele hetan privilejiu bot hodi tuir seminariu importante ida ne’e, fasilitador sira durante seminariu ne’e mesak iha konesemntu ka iha kapasidade ne’ebe as nune ami senti orgullu bele hetan konsementu lubuk ida kona ba modelu de supervisaun ba finsansa publikas.

Seminariu ne’e hala’o durante semana rua nia laran hahu husi loron segunda 25 Novembru 2019 to’o sesta 4 dezembru 2019.

Fasilitador sira iha seminariu ne’e mak hanesan :

1. Dra, Fernanda Borges

2. Dr, Rui Dinis

3. Reprezentante husi Banco Central – UIF

4. Reprezentante Husi Inspecao-Geral do Estado – IGE

5. Sr. Carmeneza Monteiro

6. Jornalista Agencia Lusa, Antonio Sampaio

7. UN-Women no

8. UPMA

Loron 1 Dezembru 2019, Diretur Hadomi Timor Sr Nicho Linux partisipa iha enkontru ida nebe halibur joven youtuber sira iha Timor-Leste hodi soe idea oinsa atu estabese estrutura Community Youtuber Timor-Leste – CYTL no formula idea hodi hamosu Vizaun, Misaun, Objetivu no prinsipiu CYTL nian.

Iha enkontru ne’e halao kedas eleisaun ba coordenador CYTL no estrutura ba periodu 2019 to’o 2021, iha prosesu eleisaun ne’e Diretur Hadomi Timor Nicho Linux hetan konfiansa maioria husi membru enkontru hodi sai Coordenador CYTL ba oin.

Hafoin remata prosesu eleisaun Coordenador CYTL eleitu Nicho Linux no nia strutura tomak prontu servisu hamutuk hodi lori familia bo’ot Community Youtuber Timor Leste tuir Vizaun, Misaun no Objetivu CYTL.

Loron 25 Novembru 2019, Diretur Hadomi Timor Sr. Nicho Linux partisipa loron dahuluk treinamentu iha Centru Cultural Portugues, Embaixada Portugal iha Dili ho Topiku hanesan :
1. Supervisão Das Finanças Publicas , Dr. Rui Dinis.
2. – Enquadramento Orçamental, Orçamento e Politicas Publicas    – O Ciclo de Vida Orcamental, Elaboração do OGE    – Discussão e Aprovação do OGE     Dra Fernanda Borges.