Dili, Timor Leste   +670 78045486
hadomi timor

Info Foun: Kartaun Ezame Ba Area PESKAS Disponivel ona iha FHT

Fundasaun Hadomi Timor (FHT) hakarak anunsiu ba Estudante hotu Lian Korea 🇰🇷 FHT nian nebĂ© remata ona kursu iha tinan 2022 ka 2023 liu-liu ba Estudante sira nebĂ© konsege rejistu ona ba Ezame EPS-TOPIC iha SEFOPE tinan nee iha Area PESKAS katak Ita boot sira nia Kartaun Ezame Disponivel ona iha FHT Farol ho Ramu 5 iha Dili, nune’e FHT hakarak informa:

– Ba Estudante sira nebĂ© remata ona kursu bele hakat mai FHT Farol hodi foti Kartaun Ezame iha area Peskas.

– Ba Estudante sira nebĂ© Prosesu Aprendisazem lao helo, ita bot sira bele ba foti Kartaun Ezame tuir atual orariu formasaun nian.

Kartaun Ezame Iha Area PESKAS Disponivel ona iha:

1. FHT Bidau Santa-Ana

2. FHT Becora

3. FHT Caicoli

4. FHT Mandarin

5. FHT Kampung Baru no

6. FHT Farol

Hakarak ba servisu iha Korea 🇰🇷 hetan Salariu Sufisiente hodi sustenta moris lorloron nia Xavi ida deit mak TENKI ESTUDA, ESTUDA no ESTUDA.

hadomi timor
Fundasau Hadomi Timor, Farol

Remata*

Estudante FHT Passa iha Ezame UBT EPS-TOPIC

Ohin, Loron Kinta 13 Jullu 2023, Estudante Fundasaun Hadomi Timor ho naran Devid Kapitan passa ona iha Ezame UBT EPS-TOPIC iha SEFOPE ho valor 57.5.

Enkuantu formasaun Lian Korea iha Fundasaun Hadomi Timor estabelese iha 2022 no estudante sira nebe passa ona ezame iha 2022 balun servisu ona iha KOREA no balun sei hein atu aranka tan.


Parabens Alin no Parabens mos ba Formadora Bin Ana Teresa

Devid Kapitan, Estudante Lian Korea Fundasaun Hadomi Timor
fundasaun hadomi timor

FHT Lansa Kursu Administrasaun no Finansa

Iha Loron 11 Janeiru 2022, Fundasaun Hadomi Timor (FHT) liu husi programa Formasaun Profesional lansa tan programa kursu foun ho Kursu Administrasaun no Finansa, ho programa Kursu Administrasaun no Finansa ida ne’e estudante sira sei estuda fokus liu ba servisu tekniku administrativa no finansa ho mekanizmu teknologia sira nebe eziste no tuir duni nesesidade sira nebe releventa ba area rua refere.

Kursu Administrasaun no Finansa nia durasaun kursu : Fulan 7 + stajiu fulan 2
Kursu Administrasaun no Finansa simu estudante foun tinan ida dala rua (2) deit.

Kursu Administrasaun no Finansa :

  1. Registu $15, inkluindu Sertifikadu
  2. Kustu Kada Fulan $25 deit

Kursu Administrasaun no Finansa garante kualidade estudante ho razaun :

  1. Teoria 20% no Pratika 80%
  2. Treinador iha Esperensia lubuk ho provas 
  3. Fasilidade Sufisiente

Ba Detallu informasaun bele haree no lee iha browsura iha okos.

Obrigado

Kursu Administrasaun no Finansa

Media FHT

hadomi timor

Fundasaun Hadomi Timor hahu loke kursu Lian Korea

Loron 16 Agusto 2021, Fundasaun Hadomi Timor – FHT hahu prosesu aprendisagem Kursu Lian Korea.

FHT hahu iha planu ona oinsa atu fo kapasitasaun ba foin sa’e sira hodi kompete ba kampu de serbisu iha rai laran tantu iha rai liur, nune’e atu konkretiza planu ida ne’e FHT inisiu programa kursu ho Lian Korea atu foin sa’e sira aprende no bele tuir teste husi SEFOPE hodi ba serbisu iha Nasaun Korea hanesan Seasonal Worker.

FHT kompremetidu atu iha tempu badak sei kopera ho SEFOPE hodi haree asuntu ida ne’e ho seriu no bele fasilita foin sa’e sira atu bele asesu serbisu iha Korea.

Ami sei kontinua simu estudante foun ba Kursu Lian Korea ne’e rasik, nune’e ba foin sa’e sira nebe iha interese bele hakat mai dadauk, ami nia fatin hamutuk ho NGO Luta Hamutuk, farol no Fundasaun Falur Rate Laek, mandarin.

Agora dadauk FHT hahu ona aula rua iha dader tuku 9 to’o tuku 11 no loraik tuku 4 to’o tuku 6, aula ida ne’e lao loron tolu husi segunda, tersa no kuarta.

hadomi timor

Fundasaun Hadomi Timor hahu ona Aula Semanal

Loron 09 Agusto 2021, Fundasaun Hadomi TIMOR – FHT hahu Klase Foun ba Kursu Semanal iha Aula Fundasaun Falur Rate Laek ho programa Kursu Office Skills.

FHT iha ona planu kursu semanal ho programa oioin nebe sei implementa iha tempu badak nia laran depende ba situasaun Covid-19 iha Timor-Leste liu-liu iha Municipio Dili ne’e rasik.

Aula Dahuluk Kursu Semanal

Aban, Hadomi Timor hahu reativa formasaun non-formal

Loron 18 Jullu 2021, Diretur Fundasaun Hadomi Timor – FHT Sr. Nicho Linux Ho ekipa tomak deside sei reativa formasaun non-formal hahu aban loron 19 Jullu 2021 ba tipu formasaun hotu-hotu hanesan Lian Korea, IT SMART, Kursu Programa Espesifiku no Kursu programa sira seluk, ho nune’e FHT konvida estudante hotu-hotu Fundasaun nian atu hahu hakat mai sentru hodi tuir formasaun hanesan baibain.
Kuaze fulan 5 FHT nia serbisu liuliu formasaun suspende tamba tuir desizaun Estadu no Governu nian nebe deside aplika Serka Sanitaria no Konfinamentu Domisiliariu Obrigatoriu ho razaun Pandemia COVID-19 nebe afeita nasaun hotu-hotu inklui Timor-Leste rasik hodi prevene pandemia ne’e.

Media FHT

hadomi timor

Despedida Estajiariu IT SMART hamutuk ho Ekipa IT Timor Telecom

Loron segunda feira 15 fevereiru 2021, Reprezentante husi Fundasaun Hadomi Timor – FHT partisipa iha serimonia despedida husi estudante estajiariu Centru Formasaun FHT  ne’ebe hala’o sira nia estajiu iha Operador Telekomunikasaun Timor Telecom liuliu iha Departementu IT, hahus iha loron 14 Dezembro 2020  no ohin termina ona sira nia estajiu liu husi serimonia refere.

Aprezentasaun husi Diretur Departementu IT Sr. Jose Dias hamutuk ekipa FHT no estajiariu sira

Ho prezensa reprezentante FHT nian iha serimonia simples ne’e halo parte rekonñesimentu ba estudante estajiariu nain rua ne’ebe halao estajiu iha fatin ne’e ho objetivu ida katak atu bele intende diak liu tan informasaun husi estudante estajiariu sira relasiona ho atividade ne’ebe durante hala’o iha fatin estajiu liu-liu iha Departementu IT nian.

Iha okaziaun ne’e Reprezentante husi FHT Sr. Hermenegildo Soares hato’o agradesimentu ba Parte Rekursus Humanus Operador Telekomunikasaun Timor Telecom nian, Dr. Operador Telekomunikasaun Timor Telecom  no Xefe Departementu IT nian nebe durante fulan 2 halo ona akonpanhamentu ba estajiariu sira iha envairomentu servisu atendimentu IT nian iha Operador Telekomunikasaun Timor Telecom Caicoli DILi, hafoin ida ne’e rona mos intervensun husi Dr. Departementu IT Operador Telekomunikasaun Timor Telecom Sr. Jose Dias hateten relasiona ho atividade estajiariu sira nian durante estajiu fulan 2 bele iha konesementu ba envairomentu mundu serbisu nian no ho faze sira hanesan ne’e bele aumenta liu tan alin sira nia konñesimentu teknika liu-liu servisu iha area IT nian,  aumezmu tempu aprezenta formalmente avaliasaun estudante estajiariu ba Reprezentante FHT katak; “ Nelson & Manuel nia komportamentu diak tamba bele komprimenta rigimentu ne’ebe estabelese husi Departementu IT nian”.

Ho intervensaun husi parte hirak ne’e mak Fundasaun Hadomi Timor no Operador Telekomunikasaun Timor Telecom nafatin iha kolaborasaun diak ba futuru nune’e estajiariu sira husi sentru formasaun FHT  bele kontinua desloka ba fatin ida ne’e.

Foto Hamutuk Ekipa IT Timor Telecom, estajiariu sira no reprezentante FHT
Foto Hamutuk Ekipa IT Timor Telecom, estajiariu sira no reprezentante FHT

Media Fundasaun Hadomi Timor

Avizu – Simu Estudante Foun Ba Programa Kursu IT SMART no Ingles

Fundasaun Hadomi Timor fo hatene ba publiku katak hahu dia 6 janeiru 2021 sei hahu halo rejistrasaun ba estudante foun iha programa kursu IT SMART, Programa Espesifiku no Ingles.

Detalu Programa Kursu

  1. Programa IT SMART /Informatika
    • Durasaun Kursu fulan 7
    • Rejistu $15
    • Kada fulan selu $25 no selu durante fulan 5 deit
    • Fulan 2 estajiu la selu ka estajiu gratuita
  2. Programa Espesifiku (Rejistu $5 deit)
    1. Microsoft Office (word, excel, power point, publisher no access)
      • Kustu $75
      • Total Sorumutu 24 to’o 30
    2. Tekniku Komputador
      • Kustu $60
      • Total Sorumutu 12 to’o 16
    3. Networking/Jaringan/Rede Baziku
      • Kustu $60
      • Total Sorumutu 12 to’o 16
    4. Networking Mikrotik Server
      • Kustu $75
      • Total Sorumutu 12 to’o 16
    5. Web Dezain
      • Kustu $60
      • Total Sorumutu 12 to’o 16
    6. Web Programming
      • Kustu $75
      • Total Sorumutu 12 to’o 16
    7. Dezain Grafiku
      • Kustu $75
      • Total Sorumutu 12 to’o 16
    8. Linux Baziku
      • Kustu $75
      • Total Sorumutu 12 to’o 16
  3. Ingles (Rejistu $5 deit)
    1. Level Begining
      • Kada Fulan Selu $25
      • Durasaun Fulan 3
      • Kada Loron Oras 2
    2. Level Intermediate
      • Kada Fulan Selu $25
      • Durasaun Fulan 3
      • Kada Loron Oras 2

Kriteria Rejistu

  • Fotokopia BI ka Sertidaun RDTL tahan 1
  • Foto Koloridu 3×4 tahan 4

Orariu Kursu

  1. Programa IT SMART no Programa Espesifiku
    1. Segunda to Kinta
    2. Sesta to Domingu
      • Oras Optional (bele hili entre oras iha okos ne ida)
      • 08-10, 10-12, 12-14, 14-16, 16-18, 18-20
  2. Ingles
    • Sabadu no Domingo deit
    • Oras Optional (bele hili entre oras iha okos ne ida)
    • 08-10, 10-12, 12-14, 14-16, 16-18, 18-20

hadomi timor

Diretur Fundasaun Hadomi Timor entrega estajiariu ba Prezidensia Republika

Ohin 23 Novembru 2020, Diretur Fundasaun Hadomi Timor akompanha direitamente Estajiariu nain rua ho Teotonia Neto Ximenes no Damianos de Araujo husi Kursu IT SMART FUNDASAUN HADOMI TIMOR nian entrega ba Departementu IT Prezidensia Republika hodi halao estajiu durante fulan 2 nia laran no sei remata iha 23 Janeiru 2021.

Foto : Foto hamutuk Diretur FHT Nicho Linux , Estajiariu no Ekipa IT Prezidensia Republika

Diretur Fundasaun Hadomi Timor, Sr. Nicho Linux agradese tebes ba Funsionariu IT Prezidensia Republika nebe simu ho kontente alin estajiariu nain rua ne’e.

Media FHT