Dili, Timor Leste   +670 78045486
hadomi timor

Diretur Hadomi Timor hetan konvite enkontru ho Country Representative Woodside

Ohin, 11 Dezembru 2020, Diretur Fundasaun Hadomi Timor Sr. Abrao Monteiro – Nicho Linux hala’o enkontru ho Country Representative WOODSIDE AND SUNRISE JOINT VENTURE Sr. Antonio Santos nebe kopera ho Amazon hodi suporta no fasilita prosesu Dezenvolvimentu Digitalizasaun ho Plataforma Online iha Timor-Leste.

Objetivu Enkontru ne’e mak atu oinsa Instituisaun rua ne’e bele iha koperasaun diak ba futuru liga ho dezenvolvimentu teknolojia dijitalizasaun no plataforma online iha nivel nasional to’o area rural.

Iha biban ne mos Country Representative konvida direitamente Diretur Hadomi Timor hodi partisipa online meeting ho amazon iha tempu badak hodi diskute asuntu sira nebe importante atu bele halo koperasaun.

Diretur FHT mos agradese tebes ba konvite ida ne’e, tamba hanesan priveljiu bot ida ba organizasaun Hadomi Timor atu bele serbisu hamutuk ho ajensia internasional liu-liu Amazon.

Foto Country Representative Woodside Sr, Antonio Santos no Diretur Hadomi Timor Sr. Nicho Linux

Media Hadomi Timor

Foto husi #MigiGamboa

hadomi timor

Hadomi Timor Organiza Workshop SOFTWARE DEVELOPMENT TRENDS IN 2020

Ohin, 29 Novembru 2020, Fundasaun Hadomi Timor organiza workshop ida ho tema SOFTWARE DEVELOPMENT TRENDS IN 2020 no Fasilitador ba workshop ne mai husi Developer Junior Kompana Similie, Sr. Julio Vaz, Sr Julio uluk halo nia studo iha Thailandia hanesan Bolsu Estuda Governu Timor-Leste nian.

Developer ne’e aprezenta kona ba AI, IOT – Internet of Thinks, Machine Learning nebe halo husi Python, Big Data, Data Engineer no Data Science.

Sr. Julio mos esplika vantagem no dezvantagem husi Software Development Life Cycle, Agile no oinsa uza Framework sira hanesan programasaun dark, JavaScript, nodejs, raect native mobile, java oop, C++ no seluk tan.

Developer ne’e husu ba developer foun sira atu domina uluk linguajem ida molok atu aprende tan linguajem seluk, tamba bainhira domina ona linguajem mak fasil tebes ona adpata ba linguajem sira seluk.

Depois workshop ne remata Fundasaun Hadomi Timor iha ona komitmentu ho Software Developer ne’e hodi kontinua fahe esperensia no skill nebe Developer iha ba estudante sira husi Fundasaun Hadomi Timor no mos ba publiku hotu.

Iha biban ne mos Diretur Hadomi Timor kontinua husu ba partisipante sira atu nafatin badinas hodi aprende maske linguajem programasaun ne’e difisil maibe bainhira aprende bebeik mak sei toman no sei fasil liu hodi uza.

Foto Fasilitador Sr Julio Vaz, Diretur Nicho Linux no Media Similie
Foto Partisipantes Workshop Software Development trends 2020
Foto Partisipantes Workshop Software Development trends 2020
Foto Partisipantes Workshop Software Development trends 2020

hadomi timor

Diretur Fundasaun Hadomi Timor entrega estajiariu ba Prezidensia Republika

Ohin 23 Novembru 2020, Diretur Fundasaun Hadomi Timor akompanha direitamente Estajiariu nain rua ho Teotonia Neto Ximenes no Damianos de Araujo husi Kursu IT SMART FUNDASAUN HADOMI TIMOR nian entrega ba Departementu IT Prezidensia Republika hodi halao estajiu durante fulan 2 nia laran no sei remata iha 23 Janeiru 2021.

Foto : Foto hamutuk Diretur FHT Nicho Linux , Estajiariu no Ekipa IT Prezidensia Republika

Diretur Fundasaun Hadomi Timor, Sr. Nicho Linux agradese tebes ba Funsionariu IT Prezidensia Republika nebe simu ho kontente alin estajiariu nain rua ne’e.

Media FHT

hadomi timor

Seminariu Jestaun Hosting no Domain

Ohin, 15 Novembru 2020, Fundasaun Hadomi Timor realiza Seminariu loron sorin ho topiku Jestaun Hosting & Domain hamutuk ho Orador CEO Kalohan.net Sr. Armindo de Jesus no Partisipantes mai husi Alumni Hadomi Timor, IT SMART ACADEMY, Community Youtuber Timor-Leste – CYTL, Estudante Universitariu sira no publiku.

Iha seminariu ne’e orador esplika kona ba Shared Hosting, VPS Hosting, Dedicated Hosting, Collocated Hosting, Manage Hosting, Reseller Hosting, teknolojia foun hanesan Cloud Hosting ne’e modernu liu fali, lalaok hili no deside Domain, load balance no oinsa asegura dadus husi hacker sira.

Fundasaun Hadomi Timor mos orgulho ho prezensa Prezidente ICT-TL atual, Sr. Ray Soares iha seminariu refere, tamba depois eleitu sai prezidente ICT-TL atividade dahuluk nebe mak prezidente ne’e partisipa mak seminariu Jestaun Hosting & Domain organiza husi Fundasaun Hadomi Timor.

Diretur Nicho Linux kontinua konvida CEO kalohan.net atu marka nafatin tempu hodi sharing ka fahe matenek sira nebe iha ba estudante sira no publiku nune’e bele iha kapasidade naton hodi kontibui ba dezenvolvimentu tekonojia iha rai doben Timor-Leste.

Bravo IT SMART ACADEMY, Bravo Fundasaun Hadomi Timor

Foto hamutuk entre orador no partisipante sira
Foto Orador Seminariu Sr. Armindo de Jesus CEO Kalohan Hosting no Diretur Hadomi Timor Sr Nicho Linux

Media Hadomi Timor

hadomi timor

Diretur Hadomi Timor hanesan mos Coordenador CYTL halo palestra iha kampana nasional kombate hoax

Loron 23 Outobru 2020, Diretur Hadomi Timor Abrao Monteiro – Nicho Linux hanesan mos Coordenador Jeral CYTL halo palestra iha kampana nasional kombate hoax nebe organiza husi SEKOMS, hetan prezensa mos husi Dona Isabel hanesan Espoza Primeiru Ministru Sua Excelencia Taur Matan Ruak, Sekretariu Estadu Arte e Cultura, Corpo diplomatiko, diretores sosiedade sivil sira, igreja, estudante universitariu, sekundaria no publiku.

Fontes RTTL

hadomi timor

Diretur TIC Timor.IP sai Orador iha seminariu nebe organiza husi Fundasaun Hadomi Timor

Loron, 09 Outobro 2020, Fundasaun Hadomi Timor kontinua organiza Seminariu ho tema “Papel Importante TIC iha Era Teknolojia Industria dahat ba Dezenvolvimentu Nasional” ho Orador Prinsipal Diretór Ezekutivu TIC TIMOR.IP, Sr. Roberto Caitano De Sousa Vicente no modera direita husi Diretór Ezekutivu Fundasaun Hadomi Timor Sr Abrao Monteiro – Nicho Linux.

Iha biban ne Diretór Ezekutivu TIC aprezenta ezistensia Ajensia TIC TIMOR I.P tuir Dekretu Lei Númeru 29/2017 ho nia papel atu implementa inisiativa Governu Elektroniku, Diretór TIC mos aprezenta serbisu sira nebé Ajensia ne’e halo durante eziste no planu sira nebé sei halo iha futuru inklui dezafiu sira iha implementasaun programa.

Diretór Ezekutivu TIC mos aproveita biban ida hodi enkoraja joven sira atu kontinua estuda no adapta tuir teknolojia nebe dadauk iha tamba teknolojia agora ne’e mudansa ho tempu nebé lais tebes, nune’e ita tenki esforsu makas atu kompete mos iha era teknolojia industria ida ne’e.

Entertantu Diretur Fundasaun Hadomi Timor esplika katak atividade ida ne’e hanesan atividade reguler Fundasaun Hadomi Timor nian nebé sempre realiza tuir planu estratejia Fundasaun Hadomi Timor nian, atividade ida ne’e mos hanesan programa ida husi literasia dijital atu fo biban ba ema hotu atu konese teknolojia nebe ita adopta ona no kontinua husu partisipasaun ema iha prosesu dezenvolvimentu Teknolojia Dijital iha nasaun Timor-Leste, Atividade ne’e halo iha Kampaun Luta Hamutuk, Farol.

Foto : Diretur TIC TIMOR IP entrega Relatoriu Anual TIC ba Diretur Hadomi Timor
Foto Introdusaun Diretur Hadomi Timor
Foto : Partisipantes Seminariu
Foto: Aprezentasaun Diretur TIC TIMOR IP

Fontes foto : TIC Timor.IP

hadomi timor

Hadomi Timor, Diretur Hadomi Timor partisipa Serimonia Entrega Sertifikadu Iha Embaixada Portugal Dili

Ohin Sesta, 11 Setembru 2020, Diretur Hadomi Timor partisipa Serimonia Entrega Sertifikadu ba Partisipantes Formasaun Jornada Literásia Orsamental iha Sentru Kultural, Embaixada Portugal Dili.

Foto hamutuk Diretur Hadomi Timor, Formanda Floriana Ximenes, Dra Fernanda Borges, Embaixador Uniao Europea Dr. Andrew Jabocs no reprezentante Emabaixador Portugal

Iha Sesaun Entrega Sertifikadu ne’e partisipa direita husi Embaixador Uniao Europea Dr. Andrew, reprezentante Embaixador Portugal Dr. Joao, Formadora iha sesaun semana ne’e Dra. Fernanda Borges no hetan mos partisipasaun masimu husi Diretur NGO sira no partisipantes husi formsaun ne’e rasik.

Tuir observasaun Hadomi Timor nian katak Embaixada Portugal liu husi Instituto Camoes sei kontinua fasilita no organiza tan formasaun ida ne’e iha semana hirak tuir mai.

Hadomi Timor nafatin konsiente katak formasaun ida ne’e importante tebes ba membru NGO sira hotu hodi hasa’e sira nia konesemntu no kapasidade kona ba Jestaun Finansas Publika no area relevante sira, nune’e membru sira iha abilidade forte hodi nafatin halo monitoramentu no observa lalaok ezekusaun Orsamentu Jeral Estadu – OJE no implementasaun programa tuir orsamentu nebe iha.

Dra. Fernanda Borges entrega Sertifikadu ba formando TLCE, Sra. Arisca Marcal
Dra. Fernanda Borges entrega Sertifikadu ba formando HT, Sra. Floriana Ximenes