Ohin Sesta, 11 Setembru 2020, Diretur Hadomi Timor partisipa Serimonia Entrega Sertifikadu ba Partisipantes Formasaun Jornada Literásia Orsamental iha Sentru Kultural, Embaixada Portugal Dili.

Iha Sesaun Entrega Sertifikadu ne’e partisipa direita husi Embaixador Uniao Europea Dr. Andrew, reprezentante Embaixador Portugal Dr. Joao, Formadora iha sesaun semana ne’e Dra. Fernanda Borges no hetan mos partisipasaun masimu husi Diretur NGO sira no partisipantes husi formsaun ne’e rasik.

Tuir observasaun Hadomi Timor nian katak Embaixada Portugal liu husi Instituto Camoes sei kontinua fasilita no organiza tan formasaun ida ne’e iha semana hirak tuir mai.

Hadomi Timor nafatin konsiente katak formasaun ida ne’e importante tebes ba membru NGO sira hotu hodi hasa’e sira nia konesemntu no kapasidade kona ba Jestaun Finansas Publika no area relevante sira, nune’e membru sira iha abilidade forte hodi nafatin halo monitoramentu no observa lalaok ezekusaun Orsamentu Jeral Estadu – OJE no implementasaun programa tuir orsamentu nebe iha.

Loron Segunda, 07 Setembru 2020, Diretur Hadomi Timor Maun Nicho Linux partisipa formasaun ba dahuluk kona ba Jornada Literasia Orsamental iha Sentru Kultural Portugues Embaixada Portugal Dili.

OSAN POVO NIAN, JERE HO DIA´K” hahú Jornadas Literasia Orsamentál, 2ª edisaun diresionadu ba Sosiedade Sivil to’o loron 11 fulan Setembru 2020, formadora ba sesaun iha semana ida ne’e mak Dra. Fernanda Borges, Eis Deputada.

Bele haree agenda ba semana ne’e iha imagem okos

Projetu PFMO-komponente 2 iha kofinansiamentu husi União Europeia  no kofinansiamentu no jestaun husi Camões I.P. ida ne’e ho objetivu ida atu kapasita membru sosiedade sivil sira kona ba koñesimentu no kompetensia tekniku membru sira nian ba procesu orsamentu, atu sidadaun sira bele komprende liu husi dominiu meiu sira atu halo tratamentu vizualizasaun dadus no oinsa pratika teknika ne’e atu analiza Orsamentu Estadu no utiliza instrumentu tecniku no halo monitoria no evaluasan iha konteudu konforme ajenda dezenvolvimentu. 

Rezultadu ne’ebe sei hetan husi formasaun mak hanesaun tuir mai  ne’e :

• Kontribui ho informasaun kritika kona ba nesesidades publikas no prioridades nebé bele lori ba hili politikas publikas nebé prioritariu liu;
• Lori ema barak liu tan tama ba debate liu husi rekolha informasaun orsamental, halo rezumu ba formatu nebe ema bele komprende ho fasil liu, no espalha informasaun orsamental ne ba ema barak;
• Fasilita auditoria social atu ajuda publiku komprende no analiza rasik Governu nia orsamentu;
• Oferese apoiu tekniku atu hatutan Governu nia kapasidade atu halo orsamentu nebe efektivu;
• Fo opiniaun independente kona ba implementasaun orsamentu nian;
• Halo responsaveis publikus presta kontas ou halo sira uza rekursus publikus ho efisiensia no efektividade atu bele atinge rezultadu nebe ita hakarak; no
• Hamoris no dezenvolve aliadu importante iha Governu, inkluzive gestor programa sira iha agensia governu nian, legisladores no auditors sira.   – ( Source husi materia aprezentasaun Dr. Fernanda Borges )